P A Y A S O

Sa likod ng masKara ay isang hiwaga.

Hirap at sakit ay di alintana 

Utusan mong magpatawa, agad susundin ka.
Basta’t sumaya ka lang di bale na ang kanyang problema.
Yan ang payaso! O ha?..hehe

Sa pagtiis  sa ibayong dagat.
Parang payaso sa buhay na maalat.
Magpanggap na “I’m Fine” kahit sa totoo di naman.
Magkunwaring masaya kahit sukdulan  ang lungkot na nadarama.
lalo pa’t,tuwing gabi walang nahihimas sa kama,Unan lang pwede na!

Sa buhay na ganito,madalas walang aaruga sayo
Kaya iniisip ko,sa tuwing chumorva sakit ko
Bawat saksak ng karayom sa mala singkamas na pwet ko
Ay ang pag-asang gagaling ako at makita pa ang pamilya ko.
Kahit pa madaming ners na ang nakilala ko.:)

ANg bawat tawang bibitawan Ay luhang tinalikuran.
Kaya dedma sa mga problema,hanggat ito’y kaya pa.
Sa oras man ng kalungkutan ,Luha ay di mapigilan..
Sumimangot ka na lang at pamilya ay tawagan.
Wag ka lang sumobra at baka  mamroblema ka naman sa Airtime.

Ang buhay ofw ay parang nasa sirko.
Kilangan masanay ka sa dadanasin mo.
Kahit highest level na ang baho ng katabi mo sa pila
Di bale na,basta't sumuksok ka sa kwarta padala
Buti na lang,may zoom.com na!

Ang mga mahika ko ay di mabilang sa kuko.
kasama ng mga pangarap na binulsa ko lulan ng eroplano.
lahat ng ito’y ilalabas ko
basta’t si amo ay mabayaran ako.
Kahit pa minsan 3 gives ang sahod ko.:)

Bilang isang payaso,kailangan handa ako
Anumang pwedeng ipagawa ng pamilya ko,
Na makakapagsaya sa kanila ay susubukan ko
Wag lang umepal si kumpare sa mahal ko.
At baka pag uwi ko, tatlo na ang dating dalawang anak ko.

Sa lahat ng nanood sa palabas ko dito sa blogosperyo
Alam nyo na kung anong nasa likod ng mga tawa ko.
Wag seryosohin dahil ako pa rin to.
Tinawanan,pinagtawanan,nilait minsan at kinantiyawan.
 Konting saya na mabigay sa inyo ,ako’y nagagalak at bumibisita kayo.

Wag nyong iyakan ang aking nadarama,
Pagkat kailangan ko’y inyong pag unawa at hindi pag ka awa.
Gusto kong mag mukhang masaya kahit sa likod ng maskara ay awa.
Nalulungkot man ang may akda habang ito’y tinitipa,
Natatawa pa rin dahil pagkatapos nito,kakain na naman ako ng chicken adobo.
Kahapon lang yun din ang ulam ko, tuloy tuloy na naman 'to hanggang matapos ang linggo.

Payaso man kami,magtitiis para sa marami.
Kaya konting palakpak lang at papuri ay masaya na kami.
Samahan nyo ako sa panalangin kasama ang 12 milyong OFW
Na lagi sana ay nasa kalagayang maayos tayo
Habang gumaganap sa Sirko ng buhay dito sa entabladong pinapanood  at minsa'y kinukutya ng buong mundo.

 
AT dahil ito ay blog ko.
Wag kayong mag react kung sasabihin kong sasali ako sa pakulo dito sa blogosperyo
Pagkat naniniwala ako sa dedikasyon ng thoughtskoto
Kaya sigaw ko,kasabay ng entry na'to at sana'y umabot kay Ginang Arroyo.
“Ako ay payaso,isang OFW,pag asa ng (dating masayahing) pilipinas, sorpresa para sa buong mundo”……

ki-click para bumoto

KALAHOK po ang entry na'to sa PEBA.see posters and print-ads for details .o sya! kitakits mga katoto .